Цэнтралізаванае тэсціраванне – 2018
Пастановай Міністэрства адукацыі Рэспублікі Беларусь ад 25 студзеня 2018 года № 5 «Аб правядзенні цэнтралізаванага тэсціравання па вучэбных прадметах у 2018 годзе» зацверджаны пералік устаноў адукацыі, вызначаных пунктамі правядзення цэнтралізаванага тэсціравання і пунктамі рэгістрацыі для праходжання цэнтралізаванага тэсціравання, графік правядзення цэнтралізаванага тэсціравання ў асноўныя дні, графік правядзення цэнтралізаванага тэсціравання ў рэзервовыя дні.
У 2018 годзе рэгістрацыю на ЦТ плануецца пачаць з 10 мая.
Рэжым работы пунктаў рэгістрацыі для праходжання цэнтралізаванага тэсціравання: у буднія дні – з 9:00 да 19:00; у суботнія дні (12 і 26 мая) – з 9:00 да 18:00.
ЦТ па навучальных прадметах у 2018 годзе будзе праведзена па наступным графіку:
– «Беларуская мова» – 12 чэрвеня (аўторак);
– «Руская мова» – 14 чэрвеня (чацвер);
– «Грамадазнаўства» – 16 чэрвеня (субота);
– «Матэматыка» – 18 чэрвеня (панядзелак);
– «Біялогія» – 20 чэрвеня (серада);
– «Замежная мова (англійская, нямецкая, французская, іспанская, кітайская)» – 22 чэрвеня (пятніца);
– «Хімія» – 24 чэрвеня (нядзеля);
– «Фізіка» – 26 чэрвеня (аўторак);
– «Гісторыя Беларусі» – 28 чэрвеня (чацвер);
– «Геаграфія» – 30 чэрвеня (субота);
– «Сусветная гісторыя (навейшы час)» – 2 ліпеня (панядзелак).
Час пачатку ЦТ – 11:00.
Пастановай вызначаны пералік устаноў адукацыі, якія каардынуюць падрыхтоўку і правядзенне ЦТ у абласцях і г. Мінску, і мінімальная колькасць месцаў для абітурыентаў у пунктах правядзення ЦТ.
Тэрміны рэгістрацыі абітурыентаў для праходжання ЦТ у рэзервовыя дні – з 30 чэрвеня па 3 ліпеня.
Графік правядзення цэнтралізаванага тэсціравання ў рэзервовыя дні:
– «Беларуская мова» – 6 ліпеня (пятніца); 8 ліпеня (нядзеля);
– «Руская мова» – 6 ліпеня (пятніца); 8 ліпеня (нядзеля);
– «Грамадазнаўства» – 6 ліпеня (пятніца); 10 ліпеня (аўторак);
– «Матэматыка» – 6 ліпеня (пятніца); 10 ліпеня (аўторак);
–«Біялогія» – 6 ліпеня (пятніца); 10 ліпеня (аўторак);
– «Замежная мова (англійская, нямецкая, французская, іспанская, кітайская)» – 6 ліпеня (пятніца); 10 ліпеня (аўторак);
–«Хімія» – 6 ліпеня (пятніца); 10 ліпеня (аўторак);
– «Фізіка» – 6 ліпеня (пятніца); 10 ліпеня (аўторак);
– «Гісторыя Беларусі» – 6 ліпеня (пятніца); 10 ліпеня (аўторак);
–«Геаграфія» – 6 ліпеня (пятніца); 10 ліпеня (аўторак);
–«Сусветная гісторыя (навейшы час)» – 6 ліпеня (пятніца); 10 ліпеня (аўторак).
Час пачатку ЦТ у рэзервовыя дні – 11:00.
Больш падрабязней з Пастановай можна азнаёміцца на Нацыянальным прававым інтэрнэт-партале Рэспублікі Беларусь.
У гэтым годзе для будучых абітурыентаў на сайце Рэспубліканскага інстытута кантролю ведаў (РІКВ) з'явілася магчымасць прайсці адзін з этапаў рэпетыцыйнага тэсціравання бясплатна. Тут створаны раздзел «Дыстанцыйнае рэпетыцыйнае тэсціраванне», у якім размешчаны па адным з варыянтаў тэстаў па 15 вучэбных прадметах і тэматычнае кансультаванне для выканання работы над памылкамі. Матэрыялы тэматычнага кансультавання ўключаюць само заданне, яго рашэнне і / або каментарый да яго, правільны адказ і спасылку на падручнік ці вучэбны дапаможнік з указаннем параграфа, у якім выкладзены дадзены матэрыял.
Жадаючыя паспрабаваць свае сілы праз гэты сэрвіс, могуць атрымаць свой вынік (бал) выканання тэста дыстанцыйнага рэпетыцыйнага тэсціравання, а таксама нумары дакладна і няправільна выкананых заданняў.
Для набыцця навыкаў запаўнення бланка і каб пазбегнуць тэхнічных памылак пры афармленні адказаў на ЦТ у раздзеле таксама прыведзены ўзоры бланка адказаў і падрабязная інструкцыя па запаўненні бланка адказаў.
З больш падрабязнай інфармацыяй можна азнаёміцца тут.
