З 2 па 19 красавіка на тэрыторыі Гомельскай вобласці праходзіць пажарна-прафілактычная акцыя "За бяспеку разам!"
Акцыя «За бяспеку разам!»
З 2 па 19 красавіка на тэрыторыі Гомельскай вобласці пройдзе рэспубліканская пажарна-прафілактычная акцыя па папярэджанні пажараў і гібелі людзей ад іх у жылым фондзе «За бяспеку разам!».
Яна накіравана на павышэнне культуры бяспекі ў побыце і на працоўных месцах. Бо статыстыка кажа пра тое, што галоўнай прычынай гібелі людзей ад пажараў у жыллёвым фондзе з'яўляецца няведанне альбо грэбаванне грамадзянамі мерамі бяспекі, так званы чалавечы фактар - неабачлівыя, неасцярожныя дзеянні грамадзян.
У рамках акцыі выратавальнікі правераць супрацьпажарны стан домаўладанняў адзінокіх і адзінока пражываючых пажылых грамадзян, інвалідаў, сем'яў, у якіх дзеці знаходзяцца ў сацыяльна небяспечным становішчы і іншых груп павышанай сацыяльнай рызыкі; правядуць з грамадзянамі інструктыўна-тлумачальную працу па захаванні правіл пажарнай бяспекі, праінфармуюць насельніцтва аб магчымасцях дзяржаўных арганізацый па аказанні паслуг па забеспячэнні іх бяспекі.
Запрашаем усіх грамадзян прыняць удзел у акцыі.
Праверце сістэму аўтаномных пажарных апавяшчальнікаў, а ў выпадку адсутнасці ўсталюйце іх у жылых памяшканнях. Акрамя таго, звярніце ўвагу, ці спраўна ацяпляльнае абсталяванне ў вашых домаўладаннях, а таксама электрычнай праводкі.
Памятаеце, што ў адпаведнасці з заканадаўствам Рэспублікі Беларусь адказнасць за выкананне патрабаванняў пажарнай бяспекі ў жылых дамах, якія належаць грамадзянам на праве прыватнай уласнасці, ускладзены на іх уласнікаў.
