Паважаныя землякі! Прыміце самыя шчырыя віншаванні з Днём народнага адзінства.
У гісторыі нашай краіны ёсць нямала слаўных дат. Але менавіта 17 верасня мы ўспамінаем адну з найважнейшых падзей беларускай гісторыі мінулага стагоддзя, якая ў сучасных умовах мае асаблівае значэнне: нагадвае нам, хто мы і адкуль, усяляе гонар за краіну і дапамагае ўсвядоміць, што мы, беларусы, – адзіны народ!
Сёння асабліва важна праяўляць грамадзянскую салідарнасць, каб прымножыць моц і веліч нашай Радзімы. Мы, беларусы, будзем і далей спадзявацца на сваю працу, развіццё, супрацоўніцтва з братнімі народамі, захоўваючы шматвекавыя традыцыі і духоўныя каштоўнасці, праяўляючы ўзаемапаразуменне і павагу ў любых жыццёвых сітуацыях.
Ад усёй душы жадаем вам невычэрпнай энергіі і здароўя, стваральнай працы і дабрабыту! Няхай растуць пад мірным небам вашы дзеці і ўнукі і кожны дзень азараецца добрымі пачынаннямі і новымі дасягненнямі на карысць роднай Беларусі!
